1984 - әлемнің ең үздік 100 романының бірі. Кітапта шынайы өмір мен алдамшы өмірдің арасында бітпейтін мағынасыз соғыс суреттеледі. Партия билігі мен тоталитарлық жүйе қара халықты қынадай қырып, ілім мен білімнің тамырына балта шауып, адамзатты өзінің басыбайлы құлына айналдыруды көздейді. Кез келген державаның мақсаты - таққа таласу мүмкіндігі жоғары ақылдылардыңсанын азайтып, халықты тобырға айналдыру. Мұндай жүйенің құрсауына түскен есі дұрыс адамның өзі сеніміне күмәнмен қарап, уақыт өте келе көп мәңгүрттің қатарын көбейтеді. Өйткені бүтін бір державаны уысында ұстап отырған әйгілі партия ондай бірді - екілі "ақылдылады" сабасына түсірудің ерекше жолын ойлап тауып отырады. Бұл кітапты оқығаннан кейін өзіңізден "қазіргі жүйе бізді де алдамай ма? Осы мен қоғамның, жүйенің, саясаттың құрбаны емеспін бе?" деп сұрпауыңыз мүмкін.