XXI ғасырдағы жаһандану процесі мен жаңа сын-қатерлер жағдайында автор өз оқырмандарына ой-пікірлерін ұсынып: әлемге жаңа көзқараспен қарауға және инновациялық серпін жасауға, әлемдік өркениеттің дамуын эволюциялық, әлеуметтік-экономикалықтұрғыдан талдауга шақырады. Халқымыздың дана да дара кемеңгері, данышпан ақыны, әрі ұлы ойшылы - Абай Құнанбайұлының шығармалары мен қара сөздері қазақ халқын, жалпы адамзат баласын екі ғасырдан бері рухани құндылықтарға жетелеуде. Бұл еңбекте Абайдың ой-тұжырымдарын ертеңгі ізгілендіру қоғамын құруға, оның моральдық кодексін жасауға пайдалану әрекеттері көрініс тапқан. Қазақ елін алға жетелейтін құндылықтардың тетіктері мен тың пікірлер берілген, болашаққа бағыттайтын жол мен жобаларда бар. Сондай-ақ, жалпы әлемдік өркениетке, түркі әлемінің дамуына да елеулі үлес қосқан тарихи ұлы тұлғалар туралы қысқаша мәліметтер беріледі. Бұл кітапта әлемдік өркениеттің дамуына серпін беретін мегажобалар ұсынылады: XXI ғасырдағы адамзаттың өмір сүру стратегиясының концепциясы## 5-тік спираль негізінде мемлекетті басқарудың жаңа парадигмасы## кәсіпкерлік кез келген елдің экономикасын дамытудың тетігi ретінде## әлемдік валютаның реттеушісі ретінде валютаның бірыңғай өлшемін анықтау әдісі## Түркі халықтары тарихының мұражайы## Ұлы Жібек жолындағы «Түркістанды жаңғырту» рухани-технологиялық кластері, Абай және қазақ келешегі. Кітап көпшілік оқырмандарға, әсіресе жастарға және болашақ адамзат өркениетіне бей-жай қарамайтын қауымға арналған.