Қазақ халқының ұлы ақыны Абай (Ибраһим) Құнанбайұлы шығармаларының екі томдық толық жинағының бірінші томына ақынның 1855 жылдан 1895 жылға дейінгі өлеңдері мен аудармалары енгізілді. Кітап шығарушылар алқасының көлемді кіріспе мақаласымен басталып, соңында ақын шығармаларына түсініктер берілді. Сондай-ақ, бірінші томға енген шығармалар әліпбилік көрсеткіштермен қамтамасыз етілді. Екінші томына 1895 жылдан кейінгі өлеңдері мен аудармалары және поэмалары, қарасөздері, сондай-ақ "Үкімет билігіндегі сенатқа" атты шағым пікірі еніп отыр. Соңында ақын шығармаларына түсініктер және екінші томға енген шығармалардың әліпбилік көрсеткіші берілді.