«Сырдария кітапханасының» құрамында беріліп отырған Тәуелсіз Қазақстан Республикасының алғашқы Мемлекеттік Әнұранының авторларының бірі, «Құрмет» орденінің иегері Жадыра Дәрібаеваның «Ақ бура сезімдер» атты бұл кітабына автордың рухы биік, парасатты жырларымен бірге көркем проза жанрында жазылған әңгімелері және әр кезеңдерде баспасөз бетінде жарияланған мақалалары мен сұхбаттарының бірнешеуі еніп отыр. Туған елі мен жерінің адал перзенті өзінің әңгімелеріне қайсар да өршіл, жомарт пейілді, мейірі мен қуаты мол ауыл адамдарының тыныс-тіршілігін арқау етсе, өлеңдері арқылы оқырман қауымды көкірегіндегі моншақтай мөлдір сезімдермен сусындатады.