Қазақстанның халық жазушысы, Мемлекеттік сыйлықтың лауреаты, көзі тірі классик Қабдеш Жұмаділовтің жаңа кітабына соңғы жылдары жазылған хикаяттары мен әнгімелері,сыр-сұхбат, ой-толғамдары еніп отыр. Сұхбаттары мен мақалаларын қоспағанда, жазушы қаламынан он роман, жиырма бір повесть, жетпістен астам әнгіме туған екен. Қалың оқырманның ендігі міндетті – ешкімді қайталамайтын сол шығармаларды іздеп тауып, ыждахатпен оқу болмақ.