Кітапқа аса көрнекті жазушы Сәкен Сейфуллиннің көпшілік оқырманға ежелден белгілі өлендері мен «Көкшетау» поэмасы, «Қыр балалары», «Бандыны куған Хамит», «Омар» атты әңгімелері, «Жер қазғандар» повесі енгізілді. Қазақ елінің бақытты болашағына қалтқысыз сенген күрескер-суреткердің туындыларынан туған жерге деген шексіз махаббат, бір өкініш, бір үміт шарпыған замана туралы толғанысы аңғарылып жатады.