Жас зерттеуші Ерден Нұрахметтің тырнақалды зерттеу еңбегіне ХХ ғасыр басындағы Алаш қозғалысының мүшесі, педагог, дәрігер, ағартушы, аудармашы, ақмолалық қайраткер Біләл Малдыбайұлының өмір жолы мен қоғамдық-саяси, әдеби-мәдени қызметіне қатысты ізденіс жұмысы арқау болған. Автор зерттеу еңбегінде Алаш арасының оқырманға беймәлім тұлғасын жан-жақты ашып, оның шығармашылық мұрасын жақсы талдай білген.