ХХ ғасыр басындағы қазақтың ағартушылық, демократтық бағыттағы оқыған азаматтарының бірі- талантты қаламгер, қоғам қайраткері Міржақып Дулатұлы еді. Аумалы-төкпелі заманда елдің болашағы үшін атқарған күреске толы қызметімен де, шығармашылық мұрасымен де ол халқына аяулы, еліне құрметті болды. Алаш қозғалысының белсенді қайраткері еді. Міржақып Дулатұлы қай кезде де халқының тәуелсіздігін бірінші кезекке қойды. Өз шығармаларында туған елін оятуға ұмтылды. Бұл жинаққа қаламгердің осы мазмұндағы поэзиялық туындылары мен мақалалары енген. Кітап көпшілік оқырман қауымға арналған.