Белгілі әдебиетші, профессор Өтеген Күмісбаевтың «Алтын қазық» деп аталатын кітабына автордың соңғы жылдары жазған ғылыми-зерттеу еңбектері, мақалалары енгізілді. Белгілі шығыстанушы әрі ақын, ғалым Ө.Күмісбаев қазақ әдебиетіндегі ақтаңдақтарды зерттеу саласына салмақты үлес қосып келеді. Шәкәрім Құдайбердиев, Мағжан Жұмабаев секілді көрнекті әдебиет қайраткерлерінің поэзиялық шығармаларын ежелгі шығыс әдебиетімен салыстыра зерттеп, әдебиеттер байланысына жаңа беттер қосқан. Автор араб-парсы-қазақ-түрік әдебиеттерінің көне және жаңа замандағы байланыстарына зер салып, қазақ, орыс тілдерінде бірнеше ғылыми зерттеулер, монографиялар жазды. Бірнеше тараудан тұратын осы кітапқа да әдеби сыннан, талқылаудан өткен, қалың оқырманның көңілінен шыққан үздік, үлгілі деген еңбектері топтастырылған. Жинақ қазақ, араб, парсы және түрік әдебиетінің бүгінгі зерттеушілеріне, мамандарына, шығыстанушыларға, тілшілерге, әдебиетшілерге, аудармашыларға арналған десе болады