Қазақтың аса көрнекті ғалымы және ағартушысы Шоқан Уәлиханов мол тарихи мұра қалдырды. Оның халқымыздың тарихы мен этнографиясы туралы зерттеулерінің, сондай-ақ қазақ даласындағы әлеуметтік саяси қарым-қатынастар жайлы мақалаларының бүгінгі күнде де ғылыми маңызы зор. Алтышаһар немесе Қашқария туралы еңбегі Шығыс Түркістан халықтарының тарихына, географиясына, әлеуметтік құрылысына арналып, өз заманы ғылымының биік деңгейінде жазылған әлемдегі тұңғыш зерттеу жұмысы болатын. Кітапқа Шоқанның осындай бірегей туындылары топтастырылды.