Марқұм Мүбәрәк Сыдықовтың бұл жинағына «Ар мен шер» атты романы, повесі мен әңгімелері енгізіліп отыр. Жазушы-журналист аталған романында Ұлы Отан соғысы кезінде бас көтерер ер- азаматтарынан айырылған бір ауылдың тұралаған шаруашылығы, қиын да қилы тағдырлар туралы әңгімелейді. Повесі мен әңгімесінде қаламгер өмірлік-әлеуметтік проблемаларды қазіргі ұрпақ психологиясындағы өзгерістермен, замандастарымыздың ой-арманымен өзектестіре суреттейді. Туындылардың тілі көркем, оқиғасы тартымды.