Әл-Фараби бұл трактатында болмыс жаратылысының сатылары, оның бастамалары жайында айтып, әрбірінің ерекшеліктеріне арнайы тоқталған. Болмыс сатыларынан кейін жер бетіндегі қоғам, мемлекет, билік, патша, әкім және қала тұрғындарының түрлері мен жағдаяттарын баяндап, оларға анықтама береді. Ойшыл қайырымды қалаға қарама-қарсы надан қала, пасық қала, мансапқор қала, адасқан қала және т.б. қалаларды суреттейді, мұндағы басшы мен тұрғындардың психологиялық портреттерін жасайды. Кітап көпшілік оқырманға арналады.