Бақытты келіншек қандай болады? Оның өмірлік ұстанымдары нендей құндылықтарға негізделген? Бақытты қыз деген нәзік жол иесі өміріне, өзіне, айналасына риза бақытты келіншек болып қалыптасуы үшін нені мақсат тұтуы керек, қандай әрекет жасағаны ләзім? Автор құрғақ ақыл айтпайды, өзінің көргені мен түйгендерін шынайы өмірі арқылы нақты мысалдармен пайымдайды, білгенімен бөліседі. Ұлттық дүниетаным мен заманауи құндылықтардың синтезі арқылы түсіндіруге тырысады. «Бақытты келіншек кітабы» деректі-мотивациялық туындысы – бірегей мазмұнды еңбек. Түрлі менталитетті үлгі ететін аударма кітаптардан басты артықшылығы да сол. Кітап бақытты қыз, бақытты жар, бақытты келін, бақытты ана, бақытты қарындас, бақытты әпке, бақытты сіңлі, бақытты жеңге, бақытты маман және бақытты құрбы деген бөлімдерден тұрады. Бұл кітап ару қыздарға, аяулы жарларға, асыл аналарға және отбасы құндылығын құрметтейтін барша жанға арналған.