«Тыңда, балам, ертегі» топтамасымен жарық көріп отырған кітаптарға ата- бабамыздан мұра болып қалған қазақ халқының ертегілері тақырыбына қарай топтастырылып берілген. Ертегі жас ұрпақтың бойына өз халқының игілігін дарытады. Баланың ана тілінде ойлауына, дұрыс сөйлеуіне, сауатты жазуына тигізер әсері мол. Ертегілер арқылы бала алғаш рет жақсылық пен жамандық, мейірімділік пен зұлымдық, әділдік туралы ой түйеді. Бала әдетте ата-әжесінің, ата-анасының ертегі айтып немесе оқып беруін ұнатады. Қандай ата-ана болмасын баласының өтінішін орындауға тырысады. Сондай кезде қолыңыздағы кітаптың сізге ең жақын көмекші болатынына сенімдіміз. «Аруна» баспасы алдағы уақытта да өз оқырманын сапалы, қызықты және баланың тілін, ой- өрісін дамытуға әсері мол тың туындылармен қуанта беретін болады.