Белгілі жазушы, бауыржантанушы Мамытбек Қалдыбайдың бұл жаңа деректі повестіне тірі кезінде аты аңызға айналған Бауыржан Момышұлының сүйікті ұстаздарының бірі, тамаша педагог, талантты ақын, жазушы Тәңірберген Отарбаевтың күрделі тағдыры бейнеленген. Әсіресе бір айлығында жетім қалған қызы Ұлжанның азапты да күреске толы өмірі, оның Бауыржан Момышұлындай, Салық Зиманұлындай атақты ағалармен қарым-қатынасы оқырманды бей-жай қалдырмайды. Қызы Ұлжанның бойындағы адами қасиеттер әкесі Тәңірбергеннің қандай адам болғанын әйгілей түседі. Повесть тілі жеңіл, оқиғасы қою, тың әрі қызықты. Оқырманға, әсіресе ұрпаққа, ой саларлық өнегелік тағлымы мол.