«Сырдария кітапханасы» көптомдығының құрамында беріліп отырған Сыр сүлейлерінің саңлақтары Сейітжан, Молдахмет, Әлібек ақындардың шығармалары - жыраулық поэзияның жауһар жырлары. Сүлейлер сол заманның таушысы, жыршысы болғаны белгілі. Ақындығымен қоса жыршылық, орындаушылық, сыншылдық қабілеттерімен танылған таланттар туғызған поэзия - Сыр елінің ғана емес, ұлттық әдебиетіміздің асыл қазынасы. Жыр кітабы қалың оқырман қауымға арналған.