«Бар арманым - жасандылыққа, әсірелеуге ұрынбай бірегей дүние жазсам-ау!» деген белгілі жазушы Т. Жұртбайдың бұл жинағында балалық бал дәуреннің таусылмас қызықтары, албырт жастық шақтың ақ арманы, тағдыр тауқыметінің жанды сыздатар ызғары, кіршіксіз таза балалық махаббат пен бозбала жан дүниесінің пәк сезімі туған жердің әсем табиғатымен астаса суреттеледі. Өмір шындығын, адам ғұмырын философиялық тұрғыда сезінуге жетелейтін лирикалық әңгімелері мен хикаяларының жас ұрпаққа берер үлгі-өнегесі, тәлім-тәрбиесі мол болмақ. Кітап жалпы оқырман қауымға арналған.