Өз елінің тарихы мен мәдениетін жақсы көретін көпшілік оқырмандарға арналған «Ботай. Дала өркениетінің бастауында» деп аталатын бұл кітап-альбом Ел Президентінің бастамашылығымен қолға алынған «Мәдени мұра» мемлекеттік бағдарламасының аясында жарық көріп отыр. Кітап Ескі Әлемнің ең бір өзгерісі көп, аса күрделі, тарихи мәні зор кезеңіне - энеолитке немесе мыс-тас ғасырына (б.з.д. IV - III мыңжылдықтың басы) арналады. Сол уақыттарда Еуразия даласында бүкіләлемдік маңызы бар зор оқиға орын алды - адам жылқыны қолға үйретті. Бұл Еуразиядағы ғажайып археологиялық орындарды - Ботай қонысы мен Ботай мәдениетінің басқа да бірқатар ескерткіштерін - көп жылдар бойы зертеудің нәтижесінде дәлелденді. Ерттеулі ат яки арбаға жегілген ат уақыт жағынан орасан ілгерілеуге жол ашып, байланыс жүйесінің жаңа - дөңгелек дәуірін ашты. Әлем мәдениеттері бір-біріне қол жеткізерліктей болып, халықтар бір-біріне жақындай түсті. Көшіп-қону, жаңа бос жерлерді игеру басталды. Әрі барлық жерде адамның бірінші досы жылқы болды. Ол - жұмыскер һәм жауынгер, жылқы көптеген әлем халықтары үшін уақыттың, кеңістіктің, жылдамдықтың, өсімталдықтың, байлықтың нышаны деп танылды.