Сіз бетін ашқан шағын кітап 2015-2020 жылдары Шанхай қаласындағы Шығыс Қытай Педагогикалық Университетінде докторантура бағдарламасы бойынша оқыған жігіттің бос уақытында ондаған тіл орталықтарында ағылшын тілі мұғалімі қызметін атқара жүріп, түзген ойларынан (балалар, студенттер, кәсіпкерлер, полиция, кеме дизайнері, компания басшыларымен сұхбат) тұрады.Қытай - жиырма бірінші ғасырдың алғашқы ширегі жаһан жұртшылығының назарын аударып отырған, келешегін болжап болмайтын, бір жарым миллиард халқы бар алып мемлекет. Бейтарап көзқараста жазылған қысқа да нұсқа сөз, алып көршімізді танып-білуге аз да болса жәрдемі тиеді деген ойдамыз. Жиырма бес миллион тұрғыны бар Шанхай шаһарының тынысы - бүгінгі Қытайдың тынысы.