Сізге ұсынылып отырған бұл жинақ ең алдымен адамның эмоциялары мен олардың жалпы түсініктері туралы баяндайды. Эмоционалды зияткерлікті дамытудың не үшін маңызды екенін Айзере есімді кішкентай қыздың мысалында беріледі. Көбінесе ата-аналар балаларын түсінбей жатады. Сәбилер тынымсыз жылайды, ұсақ-түйекке ренжиді — аз ғана сәтте мың эмоцияны сезіп үлгереді. Бірақ балалар позтивті сезімдері мен негативті сезімдерін айыра алмауы мүмкін. Кітаптағы қарапайым эмоциялар күнделікті тұрмыста кездесетін жағдайлармен сипатталған. Ашу мен қуаныш секілді бір-біріне кереғар эмоциялардың туындау себептері мен олардың бала мінезіне әсерін анықтауға тырысқан бұл жинақта ашық-жарқын бояулы суреттер мен жаңаша салынған иллюстрациялар баланың ақпарат қабылдауын жеңілдетеді деп білеміз.