Қолыңыздағы кітап «қырандар патшасы» атанған бүркіттің ұя салу, ұя басу, балапан шығару, оны бағып-қағу, қорғау, баулу, қанатын қатайтып қатарға қосу, аң аулау сияқты таңғажайыпқа толы табиғи тіршілігін бейнелейді. Осылайша жас ұрпаққа табиғат танытып, білім және тәрбие беруді көздейді. Сонымен қатар олардың тілін, ой-қиялы мен эстетикалық танымын дамытуға да қызмет етеді. «Бүркіттің балапаны» - бастауыш мектеп жасындағы балаларға және одан үлкендеу жастағы жасөспірімдерге арналған қызықты кітап.