1-кітап Қазақстанның Халық жазушысы, Мемлекеттік сыйлықтың лауреаты Қабдеш Жұмаділовтың «Дарабоз» атты роман-дилогиясына бүкіл өмірін өз елін сыртқы жаудан қорғауға сарп еткен, жоңғарға қарсы азаттық соғысының даңқты қолбасшысы, батыр бабамыз Қаракерей Қабанбайдың өмірі мен жорық жылдары арқау болып тартылған. Жазушы тек Абылай ордасымен, немесе Қабанбай төңірегімен ғана шектелмей, тарихта орны бар басқа да батыр, билердің реалистік бйнелерін жасаған. 2-кітап Қазақстанның Халық жазушысы, Мемлекеттік сыйлықтың лауреаты Қабдеш Жұмаділовтың «Дарабоз» атты роман-дилогиясы - XVIII - ғасырдағы жоңғарға қарсы соғыстың ақиқатын ашып көрсетіп, Абылай хан мен қолбасы Қабанбайды тарихтағы тұғырлы орындарына қондырған алғашқы туынды. Бұл шығарма жазушының атын шығарып, жұртшылық ықыласына бөлеген себебі - Кеңес дәуірінде қасақана бұрмаланған қазақ тарихына деген оң көзөарастың басы болды. Бұл жағынан, романды қазақ елінің азаттық жолында қан төккен батыр бабаларымызға қойылған ортақ ескерткіш деуге болады.