Танымал журналист Сәкен Сыбанбайдың бұл кітабына оның мерзімді баспасөзде әр жылдары жарық көрген туңдаулы туындылары топтастырылып отыр. Оның қазақ ділінің қабырғалы мәселелері туралы байыпты байламдары, рухани-мәдени әлеміміздегі "әттегенайлар" жөнінде өрбіткен ой-толғамдары әлі де өз өткірлігін жоғалта қоймаған. Кітапты оқыған көпшіліктің қоғамымызда кейінгі уақытта ғана қолға алынып жатқан кей өзгерістерді автордың осыдан қаншама жылдар бұрын ұсынып, басылым беттерінде мәселе ғып көтергеніне көзі жете түседі. Ал "Жұлдыздармен жүздесу" бөлімінде оқырман қауым өздерінің көз қуаныштары - Неджати Шашмаз, Пьер Ришар, Барбара Брыльска, Митхун Чакраборти секілді әйгілі кино қайраткерлерімен қауышады. Кітап өнерсүйер жұртшылыққа және көпшілік оқырманға арналған.