Мен бұл кітапты жазу үшін 100 кітап оқыдым. Сіз жалғыз осы кітапты ғана оқисыз. Мен күні-түні іздендім, толғандым, әрі санаммен сараптап жаздым. Сіз тек пайдаланасыз. Мен бұл кітабымда өзімнің және әулетімнің қилы кешірмелері мен табысқа жеткен жандардың сәулелі сәттерінен ой толғап, көркем сөзбен көмкердім. Сіз сырттай сынап, іштей тәлім аласыз. Мен бұл кітапты өмірде, тұрмыста, жұмыста, кәсіпте, бизнесте тауы шағылып жүрген, табысқа жетсем деген барша ізгі ниетті бауырластарыма арнадым.