Философияның қысқаша тарихы. Сократтан Деридаға дейін» – философиялық ойдың даму тарихына айрықша үлес қосқан танымал ойшылдардың шығармашылығы топтастырылған еңбек. Әр дәуірдегі ғылыми жаңалықтар мен тарихи оқиғалар, әдеби және көркем туындылар философия тұрғысынан талданады. Автор Батыс дәстүріндегі көрнекті философтардың негізгі еңбектерін кезең-кезеңімен таныстырады. Жинақта философтардың өмір деректері мен басты еңбектерінің тізімі хронологиялық ретпен орналастырылған. Олардың шығармаларының негізгі идеяларын талдауға басымдық берілген. Оқулық жоғары оқу орындарының студенттері мен барша оқырман қауымға арналған.