Абылай хан қазақ тарихындағы аты аңыз болып кеткен орны бөлек тұлғалардың бірі. Оның қазақтың байтақ даласын мекендеген халықты тұтас мемлекет етіп қалыптастырудағы орнын ешкім қа шығара алмайды. Осыдан бірнеше жыл бұрын Абылайдың сүйегі табылыпты, сол сүйек негізінде бас сүйек бейнесі жасалыныпты деген дақпырт әуелде жұртты елеңдетіп, тіпті хан сүйегін қайта жерлеу ісіне дейін баруымыз қостау тауып республикалық газет беттерінде дабыра етілгенімен қорытындысында түбі шикі іс болып шыққанынан оқырмандарымыз хабардар болар. Әңгімеге айрықша үн қатқан жазушы мақалаларының басын құраған мына кітап сол түбі шикі істі әшкерелеп қана қоймай, аруақтар алдындағы, халық, тарих алдындағы ғылымның жауапкершілігі жайлы да сөз қозғайды.