Көрнекті әдебиеттанушы , ұлағатты ұстаз , ф.ғ.д. , проф . Алма Мүтәлiпқызы Қыраубаеваның 5 томдық шығармалар жинағының 1 - томына « Ғасырлар мұрасы » атты ғылыми зерттеуi және Шығыс шайыры Хорезмидің « Махаббатнама » дастанының аудармасы енгізілді . Ғалымның бұл iргелi зерттеуiнде қазақ әдебиетінің XIII - XIV ғасырлардағы түркі тілдес халықтар әдебиетімен және оның дамуына түрліше әсер еткен тарихи әлеуметтік жағдайлармен терең тамырластығы , XIX - XX ғасырлар басында ауызша , жазбаша және нәзира әдебиет үлгілерінен өзiндiк сипат алып , даралануы тартымды тілмен , тарихи деректер негiзiнде қызықты әңгімеленеді . « Махаббатнама » дастанының әдеби тәржімасынан зерделi ғалымның аудармашылық талантын танимыз . Кітап жоғары оқу орындарының филология факультетінің студенттері мен магистранттарына , қазақ әдебиеті тарихының тереңіне үңіле білетін зейінді көпшілікке арналған .