Әдетте ғылым мен білім, салт-сана және тәрбие мәселелеріне қалам тербейтін автордың бұл жинағына соңғы жылдары жазылған әңгімелерінің бір парасы топтастырылған. Шығармалардың ұзын-ырғасы әйел мен еркектің арасындағы қилы-қилы қатынастар мен алуан түрлі сезім иірімдерінен өрілгенімен, олардың астарында арамдық пен адалдық, жан мен тән қақтығыстары жатыр. Автордың көркем дүниелері оқырманды жалықтырмайды. Әңгімелердің баяндалуы жатық, жеңіл оқылады.