Бұл еңбекте исламдағы өсімқорлық (риба) және оның түрлері мен үкімдерінің теориялық негіздері баяндалады. Кітаптың алғашқы тарауында рибаның пайда болу тарихына қысқаша шолу жасалып, көне өркениеттер мен монотеистік діндердегі өсім мәселесі зерттеуге алынды. Кітаптың жалғасында өсімнің қарыздан және саудадан туындайтын негізгі екі түріне жеке-жеке талдау жасалды. Сонымен қатар аталмыш тарауларда өсім түрлерінің ерекшеліктері, терминдік анықтамалары мен шариғи үкімдері, сондай-ақ әуелгі және кейінгі ғалымдардың өсімге қатысты айтқан пікірлері мен оның харам болуының себептері секілді т.б. мәселелер зерттеледі. Бұған қосымша исламдағы және өзге діндер мен өркениеттердегі риба үкімдері арасында салыстырмалы зерттеу жүргізілді. Еңбек барша оқырман қауымға, әсіресе ислам экономикасын зерттеуші мамандарға арналады.