«Қазақ қолжазбалары» (б.д.д. Х ғ. бастап - ХХ ғ. дейін) деген жалпылама жобалық атаумен кұрастырылып отырған 10 томдық басылымның бірінші кітабына көшпелілер өркениеті мен түркі әлемі туралы жазылып қалған көне грек, ежелгі қытай жазбаларындағы мифтер мен аңыздар, тарихи жазбалардағы әдеби үлгілер жинақталған. Сондай-ақ, жыл қайыруымыздан бұрынғы Х ғасырдан бастап біздің дәуіріміздегі XIX ғасырға дейінгі қытай тілінде көркем мұралары сақталып қалған тегі түркілік ақындардың шығармалары тұңғыш рет жүйелі түрде аударылып, салыстырмалы әдебиеттану әдісімен беріліп отыр.