Жас ғалым Заңғар Кәрімханның "Қазақ тарихы. Инфографиялық деректер" атты жаңа кітабы тарихи оқиғалар мен тұлғаларды танытудың таптырмас мүмкіндігі болуымен қатар мектеп, колледж мұғалімдеріне әдістемелік-нұсқаулықта бола алады. Әр түрлі деңгейдегі білім алушыларға кітапхана кезіп, қалыңдағы кірпіштей том-том энциклофедиялар ақтармай, уақытын үнемдеуге мүмкіндік беретін анықтамалық деп бағалауға тұрады. Бұл кітап - қоғамдық-гуманитарлық салада жазылған алғашқы ізашар, өзгеше һәм бірегей жоба. Туынды ұлт тарихына қызығатын көпшілік оқырман қауымға, оқытушылар мен студенттерге, мектеп мұғалімдеріне жіне оқушыларға арналады.