Өткен ғасырдың жетпісінші-сексенінші жылдарында қазақ тіл білімі жаңа бір белеске көтеріліп, күні бүгінге дейін ғылыми мәнін жоғалтпаған шоқтықты зерттеу еңбектермен толыкты. Сол кезеңде жемісті енбек етіп, аз ғұмырында қазақ филологиясына мол олжа салған ғалымның бірі - Құлмат Өмірәлиев (1930-1985). Ғалымның бұл жинағына VIII-XII ғасырлардағы көне түркі әдеби ескерткіштерінің. «Оғыз қаған» эпосының тілін, стилін жан-жақты қарастырған еңбектері енгізілді. Сондай-ақ XIX ғасырдың бірінші жартысындағы қазақ поэзиясының жанры, өлең түрлері, текстологиялық зерттеу мәселелері кен түрде баяндалады. Кітап жоғары оқу орны филология саласы оқытушыларына,зерттеушілерге, студенттер мен ізденушілерге арналған.