Орфографиялық сөздіктің 1988 жылы жарық көрген 3-басылымы 1983 жылы ұсынылған “Қазақ тілі орфографиясының негізгі ережелерінің” редакциясына сәйкес түзілген болатын. Бұл 4-басылымда сөзтізбеге бұрын енбей қалған сөздер мен тіркестер, бірқатар жаңа сөздер, ғылыми-техникалык, қоғамдық-саяси терминдер енгізілді, бірге немесе бөлек жазылатын сөздер айқындалып, реттелді. Білім-ғылымның белгілі бір салаларында ғана қолданылатын, күнделікті тіл тәжірибесінде өте сирек кездесетін шет тілдік атаулар бұл басылымнан қысқартылды. Сөздік мұғалімдер мен мектеп оқушыларына, жоғары оқу орындарының оқытушылары мен студенттеріне, баспа қызметкерлеріне, сондай-ақ қалың жұртшылықтың пайдалануына арналған.