«Қазақстан (Қазақ елі) тарихы» деген атпен жарық көріп отырған 4 кітаптан тұратын университеттердегі тарих мамандығы бойынша маманданатын бакалавр студенттеріне арналған оқулықтың үшінші кітабы Қазақстанның отаршылдық және тоталитарлық жүйелер қыспағындағы мәселелерін оқытуға арналған. Мұнда Ресей патшалығының отарлау жүйесінің қазақ жерінде орнығуы, оған қарсы қазақтардың ұлт-азаттық күрестері, кеңестік тоталитарлық жүйенің Қазақстандағы тарихы, тәуелсіз Қазақстанның қалыптасқан елге айналуы, ұлттық және әлемдік тарихнамадағы жаңа көзқарастар, жаңа деректерді, мұрағат қорларындағы құпия құжаттарды айналымға қосу негізінде тиянақты баяндалған.Оқулық әр түрлі тарихи-салыстырмалы кестелермен, диаграммалармен, тарихи деректерге негізделген сызбалармен және фотосуреттермен жабдықталған. Онда студенттердің тәжірибелік жұмыстарына қажетті сұрақтар, өзіндік жұмыс тапсырмалары және библиографиялық тізім көрсетілген.