Томда тас ғасыры дәуірінен монғол шапқыншылығы кезеңіне дейінгі тарих қамтылады. Кітапта тас ғасыры, палеолит және неолит дәуіріндегі шаруашылық пен мәдениеттің дамуы қарастырылады. Қола дәуірінің материалдары келтіріледі. Ертедегі көшпелілер, олардың бірлестіктері, тайпалар мен тайпалық одақтар, сақ, усун және кангюй мемлекеттері тарихының өзекті мәселелері айқындалады. Кітапта ертедегі орта ғасырлар, Батыс Түрік, Түргеш, Қарлұқ қағанаттарының, сонымен қатар оғыз, қыпшақ, қарахан мемлекеттерінің саяси және әлеуметтік тарихы зерттелінеді. Ұлы Жібек жолына, ортағасырлық қалалар мен көшпелілер мәдениетін бейнелеуге жеке тараулар арналған. Қазақстан аумағын мекендеген тайпалар мен халықтардың өзара және көрші халықтармен қарым-қатынастары көрсетіледі. Кітап тарихшыларға, мектептер мен жоғары оку орындарының оқытушыларына, студенттерге, сондай-ақ Қазақстан Республикасы тарихын оқып білгісі келетіндердің бәріне арналған.