Проза дүниенің сырын өзгелерден гөрі ерекше сезініп, адамтанудың бір тәсілі десек, Бақытгүлдің әңгімелерінен өмір суреттерін берудегі шынайы, кейде сыни көзқарасы байқалады. Жас жазушының әлемі қызықтырақ, біз одан осы кезеңнің адамын, мінезін, қоғамды, тіпті өзімізді көруіміз мүмкін. Ол шынайылығымен оқырманды баурай түседі. Оның ар жағында әділетсіздікке, екіжүзділікке қарсылық бар. Әр суретті, мінезді дәл,анық беруге оның сөздік қоры молынан жетеді.