Қазақтың көрнекті ақыны Ұлықбек Есдәулеттің бұл кітабына қалың оқырман қауымның ыстық ықыласына бөленген жырлары енгізілді. Кітапта ақынның 1988-2000 жылдары жазылған ел мен жер, заман мен қоғам, табиғат пен махаббат туралы лирикалық, әлеуметтік-философиялық жыр-толғамдары топтастырылған. Ақын тың ізденістерге барып, өлең өнерінің соны қырларын аша түскен. Ақынға бұл «Киіз кітап» атты тұтас туындысы үшін 2002 жылы Қазақстан Республикасы Мемлекеттік сыйлығының лауреаты атағы берілген.