Мұхтар Әуезов әңгімелері XX ғасырдағы қазақ прозасының өркендеуіне аса зор үлес қосқан. Өз заманындағы ауыл адамдарының тұрмыс-тіршілігін, қорғансыз жандардың тағдыр-тауқыметін бейнелеп, қазақ болмысының трагедиясын күнделікті өмір көріністері арқылы дөп көрсетеді. Әсіресе өмір бойы қиындықпен арпалысқан қазақ әйелінің бейнесі, оның ішкі мұңы мен қасіреті, жан айқайы, арманы мен үміті қатар өрілген туындылар оқырманын жамандықтан жирендіріп, ізгілікке жетелейді.