Көркем шығарманың да мінезі болады. Белгілі жазушы Жүсіпбек Қорғасбектің жазып жүргендері де мінезді шығармалар. Үш томдық таңдамалысының алғашқы кітабына бұрын еш жерде жарияланбаған «Көкжалдар» романы, «Креш» хикаяты енгізілді. «Өнер», «Соқыр», «Миллион жылан, миллион ара және мен», «Өлмейтін құс», «Шіркін, Шекер» әңгімелері де әр кезде үздік әңгімелер қатарына қосылған. «Жансебіл» әңгімесінің желісімен аттас көркем фильм түсірілген. Жинақта жазушының эксперименттік үлгіде жазылған жаңа туындылары да бар.