Бұл кітаптың авторы жарты ғасырдан астам еңбек жолында Қазақстанның түкпір-түкпірін түгел дерлік аралап, аудандық, облыстық, республикалық, шетелдік баспасөзде көптеген материалдар жариялаған. 2004 жылдың жазында журналист сол материалдар ізімен Қазақстанның Алматы, Шығыс Қазақстан, Павлодар, Солтүстік Қазақстан, Қостанай, Қарағанды, Оңтүстік Қазақстан, Жамбыл облыстарын машинамен аралап шықты. Мақсат -өткен ұзақ жылдар мен бүгінгі еркін еліміздің қиын да қызықты тынысын салыстырып байқау. Кітап автордың әріптестеріне, қалың оқырман қауымға арналған.