Бұл антология Түркістан шәріндегі жас шайырлардың күмбез шаһарға жазған күміремдері мен көне қалаға жазған қасидаларынан құралған жинақ. Әдеби ортаға "Ақынханадағы алтау" деген атпен танылып келе жатқан түркістандық алты ақынның өлеңдерінен қазақы танымдағы қара өлеңнің иісін,шығыстық сарындағы ғазалдар бейнесін,батыстық ағымдағы верлибр құрылымын көруге боолады. Рухтар мекені болған Түркістан шаһарына романтикалық көзқараспен,көне мен жаңаның арасындағы жаңа түсінікпен қалам сілтеп,ой тербеген алты ақынның өлеңдерінен өмір мен өлімнің,жұмақ пен тамұқтың арасындағы үйлесімділікті байқай аласыз. Кітап көпшілік оқырманға арналады.