Алғашқы беттен бастап-ақ кісіні құныға оқуға жәжбүрлейтін Адам Мекебай-ұлының "Құпия қойма" романы - кезінде қалың жұртшылық ерекше жоғары бағалаған туындысының - өңделіп жетілдірілген, көп жері қайта жазылған нұсқасы. Біз - халқымыз басынан кешкен түрлі сұмдықты білсек те арманда, білмесек те арманда жүрген ұрпақтармыз ғой. Өйткені қазақ ұлты нендей құйтырқы саясаттың себебінен жер бетінен жойылып кете жаздап барып, онан қалай аман қалғанын білуге ынтықпыз.