Қазақстанның көрнекті жазушысы Ә.Нұрпейісовтің "Курляндия" романы 1950 жылы шыққан алғашқы атауымен екінші рет (кейін "Күткен күн" атауымен төрт рет шыққан) басылып, оқырмандарға ұсынылып отыр. Романда Курляндия жерін неміс басқыншыларынан азат ету жолындағы кеңес жауынгерлерінің, партизан отрядтарының қажырлы ерлігі, азаматтық тұлғасы сипатталады. Олардың арасындағы халықтар достығы, бауырмалдық, азаматтық ар тазалығы, адалдық проблемасы, махаббат сезімдері, жеке адамдар арасындағы арамзалық, жылпостық, өсек секілді әдепсіздіктер шынайы, көркем тілде, елеулі оқиғалармен суреттелген.