Қазақ әдебиетінің классигі Қажығұмар Шабданұлының алты томдық "Қылмыс"романы Қазақстанда екінші рет басылып отыр. Романның алғашқы басылымы Қазақстан Республикасы Мәдениет және ақпарат министірлігі. Ақпарат және мұрағат комитетінің қолдауымен "Дүниежүзі қазақтарының қауымдастығы" жанындағы "Атажұрт" баспасынан 2009жылы жарық көрген болатын. Кітаптың алғашқы екі томы Қытайда жарық көріп, қалған томдары саяси себептермен қолжазба күйінде сақталған. Автордың тар қапас, тас түрмеде отырып жазған бұл шығармасы - дүниежүзі әдебиет тарихында бұрын-соңды болмаған теңдесі мәдени-рухани құбылыс. Роман жанры жағынан мумураға жатады.Алайда, шығарма жеке адамның өмірімен шектелмейді. Шыңжаң қазағының жарты ғасырлық тарихын қамтиды. Бүгінгі ұрпақ отаршылдық езгінің, зорлық-зомбылықтың ащы шындығын осы романнан оқып білетін болады.