Мақал - сөздің мәйегі ғана емес, ұлт тәрбиесі. Мұнда аталар дәстүрі, жолы бар. Бабаларымыздың ғасырлар, заманалар бойы жинаған даналығының інжу-маржанын теріп, жастарымыз оның өзін жаттап қана қоймай, мағыналарына да терең бойласын дедік. Әрі оқуға, түсінуге жеңіл де қызықты болсын деп, ғибратты әңгімелермен, халқымыздың қара өлеңдерімен көркемдеуге тырыстық. Бұл кітап жастарды ұлтжандылыққа, отансүйгіштікке, бауырмалдылыққа, мейірімділікке, ерлікке, кеңдікке тәрбиелеу ісіне тамшыдай болса да үлес қосу үшін жарық көреді.