Еңбекте «Әһли сүннет уәл-жамағат» ғұламаларының бірі, Әбу Ханифаның ізбасары, ақида ілімінің білгірі Имам Матуриди жайлы сөз болады. Самарқандық жерлесіміз Имам Матуриди өз дәуірінде «Имам ул-һуда» (Тура жолдың имамы), «Имам улмутакаллимин» (Ақида ғалымдарының имамы) деген құрметке ие болған. Имам Матуридидің еңбектеріне оқи отырып, оның кәлам, мазһабтар тарихы, фиқһ әдістемесі мен тәпсір саласында өзіндік орны бар ірі ғалым екендігін пайымдауға болады. Кітапта ғалымның өмірі, ілімдегі орны, ақидаға қатысты бірқатар құнды ой-тұжырымдары қамтылған. Еңбек барша оқырман қауымға арналған.