Әке мен анадан ардақты ешкім . Өйткені олар бізді өмірге әкеледі, аялап өсіреді. Сөйтіп, өмірінің жалғасы етеді. Мына қолыңыздағы кітапта осы орайда айтылар сыр да, жыр да көп. Оқып отырып өмір шіркіннің соншалықты күрделі, жұмбағы мол, қызығы да, қиыншылығы да жетіп артылатынына көзіңіз жеткен үстіне жете түседі. Жалған дүниенің қонағы екеніңізді еріксіз мойындайсыз. Біреу аз жасайды, екіншілері көбірек тірлік кешеді. Өздерінің мәңгілік емес екенін біле тұра адамдар неге сыйласып өтпейді екен дейсіз. Автор осыны алтын арқау етіп алған. Бас-аяғы бүтін, айтары мәнді естелік кітап кім-кімге де ой салары күмәнсіз. Кітап көпшілік оқырманға арналған.