Жазушы, ақын әрі драматург Ескермес Жақсымбетұлы "Қаратаудан ескен жел", "Бала ғашық", "Жаса, жарық дүние", "Теріскейге түскен жол", "Қыран қаза", "Шәмші - дария" т.б. өлеңдер жинағы мен "Теріскейге түскен жол", "Қыран қаза", "Теріскейде теңбіл доп" повестері, "Сүйіліш батыр", "Телқожа батыр", "Нұртас Оңдасынов" атты тарихи роман - хикаяттарымен оқырмандарға кеңінен белгілі. "Молда Мұса" атты роман - хикаясы сиясы кеппеген жаңа туындысы. Тарихтағы қиын - қыстау, аумалы-төкпелі заманда өмір кешкен ақынның басынан кешірген шым - шытырық оқиғаларды автор шынайы деректерге сүйене отырып, суреттеген. Шығармадағы оқиғалар нанымды, тілі жатық, әрі көркем.