Жалпы мәзһабтар тарихы еліміздегі қазіргі ахуалды ескере отырып, арнайы зерттеуді талап етеді. Сол себепті қолдарыңыздағы бұл еңбекте Ислам дінінің тарихында пайда болған басты мәзһабтардың шығу төркіні, діни ұстанымдары, ғасырымызға дейін жеткен теріс ағымдардың сенімдері, шоғырланған мекендері жайлы қажетті мәліметтер қамтылған. Сонымен қатар әһлу сүннет пен өзге ағымдардың арасындағы басты айырмашылықтар талданады. Ұлт болашағын, ұлттық сананың тазалығын, ғылым-білім сүйер иманды ұрпақтың қалыптасуын қалайтын ізгі ниеттен туған шағын ғана еңбек жалпы оқырманға арналған.