Әйгілі кәсіпкер Харбер Уотсон аңыз-әңгімеде ғана Аты аталатын жұмбақ аралда салтанатты мейманхана тұрғызып, қызметкерлерін қонақ күтуге дайындалу үшін жиырма күнде бір-ақ мәрте ашылатын өткелден өткізіп жібереді. Он адамның аралға келу себебі сан түрлі болғанымен, бәріне ортақ дүние - қаланың күйбең тіршілігінен, қоғамнан алыста жүріп алаңсыз демалу еді. Алайда аралдың жанға жайлы, тылсым тыныштығынан әрбіреуінің ішіндегі тұрмыс-тіршілік көміп тастаған көмескі ойлары тіріледі.